من هو الدكتور محمد بلال ؟؟
أستاذ الفيزياء النووية - خبير بالمعهد القومي للقياس والمعايرة
محاضر بجامعة قناة السويس - خبير وقاية من الإشعاع
مقيم في المعامل النووية - خبير بنظم الجودة الشاملة
خبير في اليونيسكو في علوم الأرض - خبير في توظيف التكنولوجيا في مجال التنمية الاقتصادية
قصة حقيقية حدثت بالفعل ولم تكن مشهد فى مسلسل او من نسيج او خيال مؤلف انها قصة للدكتور محمد بلال مع الرئيس مبارك
تنشرها لكم الحياة لكى يعلم الجميع مدى انسانية هذا الرجل
اليكم القصة كما ذكرها صاحبها
مبارك الذى انقذنى -لا انسى صاحب فضل على فى اكمال مسيرتى العلمية
تخرجت من كلية العلوم وبعد تأدية الخدمة الوطنية اشتغلت بالمركز القومى للبحوث
- خلصت الماجستير ( فى تصنيع كبلات الكهرباء من خامات مصرية ) فى وقت كنا بنستورد 70 % من احتياجاتنا من الخارج (ذات مواصفات معينة مش عارفين نصنعها لكن الخامة موجودة ) فرحت لما حليت المشكلة - وكاد البحث يدخل حيز التطبيق فى الهيئة العربية للتصنيع - لكن - بالامر - اسكت مش ناقصين لاننا مش فاضيين - انت تاخذ الماجستير واحنا نطلع بسفرية بالبحث لمؤتمر بالخارج. قفلت بقى ( الى حين)
- سافرت الى ايطاليا لتأهيلى خبيرا باليونسكو فى انتاج الكهرباء من حرارة جوف الارض - وبعد عودتى قدمت مشروع قومى
- هوبااااااا دخلت فى اضطهاد مع بتوع عبد الناصر - التنظيم الطليعى ومنظمات الشباب -حصل وحصل وحصل - ونقلونى الى قسم لزراعة الفجل والجرجير !!!!!!!!!!!
- كتبت خطاب الى السيد الرئيس محمد حسنى مبارك - وارسلتة فى البريد
- قرأ الرئيس المشروع : وطلب من مكتب المعلومات ( معلومات عن كل جوانب الموضوع)
- عرف الرئيس انى مضطهد بسبب المشروع القومى : فأمر برفع الاضطهاد عنى واعطائى حقوقى وتنفيذ المشروع -علمت انة انفعل وكتب نصف صفحة - لم اراها حتى اليوم لكن عرفت انة شكر فى جدا
- لكن لان من اضطهدونى ناصريين بقى وواصلين - عملوا المستحيل لاعادة العرض على الرئيس وطلبوا من زكريا عزمى تشويهى عند الرئيس -الراجل بصراحة رفض وقال هذا شاب مظلوم ولازم الظلم يترفع عنه
- الدكتور عادل عز وزير البحث العلمى طلبنى - واعطانى حقى - فقلت لة شكرا انا كدة اخذت حقى - لكن انا مش عايز اعمل مع هؤلاء - انا عايز اشتغل فى المعهد القومى للقياس والمعايرة - قسم الاشعاع والمواد المشعة
- اتصل بالمعهد - رئيس المعهد كان فى اجتماع مع رؤساء الاقسام - فطلبت عدة اقسام ان التحق بها - ضحك وقال احنا موافقين والناس هنا هما اللى طالبينة - وقد كان
لو واحد فيكم مبارك عمل معاة كدة - ترد جميلة ازاى؟
يارب ماكونش قصرت مع ابى وحبيبى ورئيسى وصاحب الفضل على
يارب كما رفع عنى مبارك الظلم - ارفع عنة وعن اهلة الظلم
شكرا ايها الاب والحاكم العادل : محمد حسنى مبارك
ليست هناك تعليقات:
إرسال تعليق